جامعة الملاكمة الملكية المغربية قررت تعفي المدرب الوطني للمنتخب ” عثمان الفضلي ” وطاقمه التدريبي.
الجامعة فاش خرجات بيان ديالها قالت بأن السبب هو الفشل ديال الملاكمين المغاربة فالتأهل لأولمبياد باريس، ورجوع ثلاث ملاكمات بلا ما يجيبو شي إنجاز.
هاد القرار خلى بزاف ديال المتابعين ينتقدو الخطوة ديال الجامعة، وكيقولو بأنها محاولة غير باش تبان مزيان في عيون متتبعي الشأن الرياضي وتفلت من المحاسبة.
كاينين اللي طالبو حتى بإقالة رئيس الجامعة، عبد الجواد بلحاج، اللي راه كيترأسها منذ 22 عام، وما جاب فالأولمبياد غير ميدالية برونزية.
وخصنا نذكروا باللي جل الرياضات اللي شارك فيها المغرب فالأولمبياد ما دارت والو، حيث المغرب جاب غير ميدالية ذهبية وحدة فرياضة ألعاب القوى، وزاد عليها الميدالية البرونزية فصنف كرة القدم.
